A Asociación Cultural Castelo Conta é a antiga Comisión de festas de Castelo e está formada polas veciñas e veciños da parroquia de Castelo (Culleredo, A Coruña).
Os nosos obxectivos teñen moito que ver coa dinamización cultural do lugar no que vivimos, a conservación da memoria desta comunidade, e a defensa da contorna.
Organizamos encontros interxeracionais para reconstruir a identidade local e axudar a transmitila, grazas a un grupo de veciñas e veciños especialmente implicados na recuperación da memoria a través da oralidade.
Pensamos proxectos a longo prazo para poñer en valor a nosa tradición oral, facendo por difundila a través de varias iniciativas e actividades ao longo de todo o ano, e en especial, no festival que organizamos cada mes de agosto.
Falamos do rural e achegamos propostas de interese cultural para as persoas que o habitamos, revitalizando os espazos desde dentro, coa mirada posta na sostibilidade mediambiental, cultural e social.
A Asociación Cultural Castelo Conta está formada por un grupo de veciñas e veciños comprometidos coa dinamización do entorno no que viven. Na actualidade, o presidente da asociación é Antonio Fero..
